繼楊思琦之後，李思欣再成為另一個無懼的勇士，她立志要靠自己獨立外闖，離開合作9年的無綫。昨日是李思欣在無綫的最後一日，她接受電話訪問時，透露自己的心情，既緊張又興奮，她說：「話咁快就過咗3個月，都期望自己嘗試多啲唔同嘅嘢，又可以鞭策自己，最初係有擔心離開，覺得會有少少難度，但係喺我公開咗唔續約之後，都有好多香港、內地job搵我，同埋其實𠵱家電視台又開放咗，最感恩係有好多人幫我，知道我會離開，主動打畀我話搵我做嘢，仲叫我加油！」
「會上內地登台」
事實證明，李思欣不走不知自己價更高，她笑說：「有少少價值喇！出邊乜都有，既然決定咗就要向前看，咁嚟緊都會上內地登台，接咗個舞台劇，下半年都OK喇！」昨日她還在微博上載了一張離別照，相中有李思欣名字的TVB員工證和一串鎖匙，為結束跟無綫9年賓主關係，畫上完美句號。
正當李思欣準備迎接新開始的時候，她果然得到幸運之神的眷顧，前晚應邀出席一個公司宴會，她竟然抽到全場最大的現金獎，她興奮得在微博公佈好消息：「今晚晚宴中了終極大現金獎，希望好運隨之降臨。」她說：「係呀！抽到一萬蚊，好開心，真係好意外，唔係話中咗幾多錢，咁多人抽到自己，真係好幸運，希望係一個好開始。」
採訪：非非
【壹錘定音 . 李慧玲】6月4日正式開咪！
收聽方法：請留意【壹錘定音】facebook專頁！
https://www.facebook.com/hammerout.hk