【本報訊】被視為和平佔中「6.22全民投票」主題曲的《問誰未發聲》歌曲短片於網上瘋傳，《蘋果》發起一人一句、全港串聯，公民黨陳淑莊也有拍片「發SING」。她說第一次看到短片已「喊晒」，「好似歌詞咁講，係我哋天生權利，如果我哋都唔珍惜、都唔發聲，就冇人幫到我哋」。
《問誰未發聲》改編自《Do You Hear The People Sing》近日成為港人爭取民主的主題曲，陳淑莊說，近期政改諮詢和佔中的發展，令港人對香港前途、自身力量，以及對佔中看法，可能都有點「模糊」，因此「突然有首咁嘅歌都係重要」。和平佔中發起「6.22全民投票」，陳淑莊笑說：「除咗投票係勇氣，唱兩句都係勇氣表現。」她指一人一句合唱和參與6.22投票，都象徵着港人願意為這片土地發聲和付出，「如果一個地方係屬於你自己，你都唔願意為佢做嘢，你放棄呢度，去到邊度都係只能做二等公民」。
美國及比利時人響應
《蘋果》日前發起一人一句、全港串聯運動，至今已收到逾130條短片，來自不同階層、不同界別的人，紛紛唱出爭取民主決心，澳門及台灣都有團體響應串聯。此外，《蘋果》於手機程式「動獎相」（Scoopshot）號召全球各地的人撐香港爭普選，昨日分別有美國和比利時人士響應，做出「掩嘴」及「傾聽」等手勢拍照。
想參與「今日我發SING！」，可以將短片上載到Instagram並加標籤「#appledailyfb」，又或將短片上載到YouTube，然後將連結傳送給《蘋果》（電郵[email protected]），郵件標題請註明「問誰未發聲」。活動細節可瀏覽《蘋果》facebook專頁（ http://www.fb.com/hk.nextmedia）。
【壹錘定音 . 李慧玲】6月4日正式開咪！
收聽方法：請留意【壹錘定音】facebook專頁！
https://www.facebook.com/hammerout.hk