現年19歲的影壇新人許雅婷（Kabby），早前跟天王郭富城傳緋聞升呢成新城嫂，但她卻討厭借緋聞上位。對於師姐周秀娜、何佩瑜（Jeana）和陳靜儀（Mia）先後賣肉出寫真，Kabby更不欲步後塵。
15萬落袋
近日蘭桂坊之父盛智文看中Kabby笑容有張栢芝初出道時的影子，力邀她為7月19和20日兩天舉行的「蘭桂坊音樂啤酒節2014」宣傳大使，Kabby日前以三點式消暑造型，在鏡頭前倒瀉C奶飲啤酒拍宣傳相片。據知Kabby這次水着look，拍攝才兩小時，荷包即進賬15萬。
擁有34C、23、35三圍的Kabby首次拍攝泳衣照，但全個過程表現大方，當攝影師轉燈光時，她也沒要求工作人員要即時披上外套，只是心急走到電腦前看拍攝效果。為了這次拍攝，Kabby刻意減肚腩，她日前接受訪問時說：「上個禮拜我仲喺泰國拍戲，嗰時知道要着泳衣都唔敢食，一日只係食一餐沙律。我天生好易肥，呢半年晚上簡直戒晒澱粉質，有時晏晝先食少少，得閒又做gym，𠵱家腹部都有兩嚿腹肌，我覺得女仔有啲線條先靚，減肥會係我一生事業，唔可以俾佢停。」
自爆易醉
Kabby愛靚不敢吃，身為啤酒節宣傳大使的她可喜歡喝啤酒？她說：「開心時都會同朋友飲吓，但我酒量好渣，飲啤酒好易醉，飲少少就面紅，我醉咗會又喊又笑㗎。」
暴乳C奶的Kabby卻謙稱沒身材賣性感，她說：「我唔係走呢啲路線，未試過着比堅尼做嘢。」不過這次拍攝海報效果養眼，可會令她有意降低性感底線？Kabby說：「拍戲要睇劇情需要。」假如拍床戲又想跟哪個合作？她說：「唔係我揀，導演話事啦，我係專業演員。」她欣賞荷李活著名女演員安琪蓮娜祖莉（Angelina Jolie），所以笑言希望床戲可以獻給偶像的最愛畢彼特（Brad Pitt）。
採訪：比華利
攝影：沈健程
【壹錘定音.李慧玲】6月4日正式開咪！
收聽方法：請留意【壹錘定音】facebook專頁！
https://www.facebook.com/hammerout.hk