小三李悅彤（Liddy）至今繼續潛水，甘做情婦的她不但被網民罵爆，連當年她就讀皇仁舊生會中學的舊同學，都對她的搶人老公行為睇唔過眼，昨日向本報爆料，數臭Liddy在讀書其間被封姣花，專愛撬牆腳，而且對同級男生看不上眼，只喜歡高年級的男同學。
愛出風頭好扮嘢
Liddy的舊同學昨接受電話訪問說：「佢喺中學嘅時候已經鍾意做人第三者，專門搶人男朋友，當時試過鍾意咗一個已經有女朋友嘅男同學，點知佢搞散咗人哋之後，就同嗰個男同學分手；之後就同另一個幾靚仔嘅插班生一齊，成日掛住拍拖，我哋都叫佢做姣花，3歲定80，第三者做慣做熟啦，所以佢同彭順一齊，完全唔出奇呀。」
舊同學還踢爆Liddy試過出賣朋友，故最後幾年的校園生活，她成為了孤獨精：「佢以為自己好靚，要人當佢係女王，又鍾意出風頭，好多同學都唔鍾意佢扮嘢，覺得佢好假，嗰時佢喺學校參加中國舞班，為咗想做女主角出位，成日討好Miss，所以成班同學都冇人同佢玩。」
此外，Liddy雖然刪除了自己的微博所有留言，但卻沒有鏟走相冊的內容，所以她的微博依然被留底，真正鏟走了的只有她和彭順的相片，而且在網上以她的真名李婷搜尋，亦發現了大批相片，Liddy果然愛黐男人合照，集郵對象包括錢國偉、《天與地》「少年陳豪」楊潮凱、糖妹舊愛何浩文（Dominic）等。
採訪：皓騫
【壹錘定音.李慧玲】6月4日正式開咪！
收聽方法：請留意【壹錘定音】facebook專頁！
https://www.facebook.com/hammerout.hk