【壹週刊】警犬頻頻見報，但唔係英勇擒賊，而係咬傷自己友、失蹤墜海。出事警犬大多為警犬隊近十年引入嘅比利時牧羊犬「瑪蓮萊」，其實世界各地都漸漸起用瑪蓮萊犬代替狼狗作警犬，兩者外形非常相似，到底邊種犬種適合做警犬？
馴狗專家薛文剛Victor就話：「瑪蓮萊犬速度比較快，做啲負面嘅嘢冇乜警覺性。咁變咗喺一個複雜香港人多車多咁嘅環境度適唔適合呢？我覺得呢樣嘢可以 去研究。瑪蓮萊捕獵動力好強，咩叫捕獵動力就係佢求生本能，瑪蓮萊我覺得佢屬於鋼條型，真係鋼條型嘅狗嚟，佢速度夠快夠勇敢夠輕巧。」
一般見慣嘅狼狗都比較大隻，好似呢一隻，肌肉相當發達，但容易令關節成負擔。
訓犬師Victor為改善狼狗身形在工作犬範疇上的不足，近年嘗試繁殖體形較為纖瘦輕巧嘅狼狗。背線、肚線較淺，手腳纖巧跑得更快。
另外，性格方面兩隻狗更係非常唔同，狼狗就較沉實穩定，瑪蓮萊犬就勇悍直接。
iPhone App免費下載：
http://bit.ly/nextplus_iphone
Android App免費下載：
http://bit.ly/nextplus_android