中共喺六四前夕嘅監控好猖獗，支聯會副主席蔡耀昌話呀，最近唔止六四紀念館網站受黑客攻擊，多名支聯會常委同海外民運人士都受不明來歷假電郵入侵，佢上周五單日收到2,000封假電郵。
主席李卓人同樣被炸爆email，每日閒閒哋有200封，幾乎係咁耐以嚟炸得最勁一年。啲假電郵內容好騎呢，有封主題寫住政制及內地事務局副局長劉江華，內容係「有關議案為三巨頭援助方案……」，認真九唔搭八。有設計師今年為支聯會設計黑底白字嘅蠟燭紙杯，當市民點起燭光，就會照亮反轉咗、代表平反嘅「64」二字，免費派發，但蠟燭紙杯只得約3萬個，先到先得。
【壹錘定音 . 李慧玲】6月4日正式開咪!
收聽方法: 請留意【壹錘定音】facebook專頁！
https://www.facebook.com/hammerout.hk