一，幫港出聲好醒地獻計，七一以後，中環地鐵站全線封閉。鄭捷想佔中？難過登火星。
二，即時追查專業失德的婦產醫生，過去九至二十年，有冇以低於專業水平的方法接生，令胎兒智力受損，變成機男宅女，隨時爆大鑊斬人。注意，千祈咪搵醫委會追查，否則一拖又九年。
三，特警進駐立法會，一見議員擲豆沙包，即拉。因為咁擲下去，擲到冇譜，隨時會擲西瓜刀。
四，每次拉布，機不離手的議員，睇A V反而冇嘢，最驚睇殺人小說或者玩殺人game。立法會裝晒天眼通，蒐集定罪證。
五，鄭捷是怎樣煉成的？問鍾癡根，他追問高鐵延誤時的眼神，充滿殺氣。地鐵貼滿他的玉照，可能有效。
六，鄭捷被捕後沒有反問「自己何罪之有」，證明香港比台北更高危，知名人士，都是潛水的鄭捷！咁，馬上曼谷化，宣佈戒嚴！由西環做看守政府！23個鄭捷都死！
【壹錘定音 . 李慧玲】6月4日正式開咪！
收聽方法：請留意【壹錘定音】facebook專頁！
https://www.facebook.com/hammerout.hk