「請問Son姐對於OT有咩睇法呢？我喺廣告公司做，其實呢一行經常OT就大家都知，我入咗公司半年有多，自問唔會怕辛苦，啲嘢就算好趕好多都照食唔會呻！但係最近公司高層竟然叫我哋唔好OT咁多，OT多反而搞到公司要畀飯錢同的士錢。唉！但係我做得呢個位，啲工作唔做晒就走，遲咗或者出唔切又會俾客鬧，又會覺得係我哋問題。我唔係好明白，點解會覺得OT係我哋嘅錯？想請教Son姐我可以有咩應對方法呢？」
講OT，我講一套做一套絕對是個反面教材。我一方面完全不認同日日有返工冇放工的工作模式，再加上通訊科技發達，避無可避，實在難為下班時間定分界，把人折磨得不似人形。另一方面我卻偏偏是日夜做到冇停手，還要年中無休全天候365日隨時準備接Job做。鬼叫我窮咩？頂硬上啦惟有！
你的情況，的確離奇。廣告公司出名工作時間不穩定兼夾超長，公司管理層明知不可能，但係居然敢開口，我看目的只有一個，就是為了節省他們覺得無謂可省即省的OT開支。
如你所言，反正你們功課準時交就得，只要工作要做妥，在公司做或在家做話之你，但以經營成本計可就不一樣的計法了。
換個角度看，有頭髮誰願做癩痢？一葉知秋，今年不管各行業的生意都難做，同行競爭激烈，經營成本不斷上漲，邊際利潤不斷下降，要捱得住，必須要想辦法減磅。
你公司高層明知一定會被唾罵都要硬住頭皮出此下策，背後應有受壓。你要是真喜歡這份工就不要計較，記住你是為自己儲經驗本錢，絕對不會有蝕底之理，用心做好自己份內事，你一定只能是贏家！
張慧敏
http://www.facebook.com/HKcareerdoctor
【壹錘定音 . 李慧玲】6月4日正式開咪!
收聽方法: 請留意【壹錘定音】facebook專頁！
https://www.facebook.com/hammerout.hk