新地案早前要選陪審員，唔少中籤者都聲稱要去韓國追星星而say no，搞到法官都話似乎要將法庭搬去韓國開審至得。星星熱潮真係好hit，雅虎香港噚日公佈今年上半年、用手機搜尋關鍵字排行榜，發現十大人氣話題方面，《來自星星的你》以大熱姿態排第一，力壓第二由手機到電視盒子一樣咁hit嘅小米、萬眾期待嘅iPhone6，以及近期成為大家口頭禪嘅「你厚多士」等。
十大人氣人物就有啲爆冷，《星星》嘅金秀賢同全智賢只係排第三同八，因為《我是歌手2》喺內地爆紅嘅阿G.E.M爆冷成一姐，仲高人氣過韓國塑身天后鄭多燕。醜聞多多嘅狼英係唯一上榜政界中人，排第四。
【壹錘定音 . 李慧玲】6月4日正式開咪!
收聽方法: 請留意【壹錘定音】facebook專頁！
https://www.facebook.com/hammerout.hk