今季新特蘭可以喺最後階段奇蹟護級成功，除咗靠域咸喺最後幾場嘅大爆發外，領隊普耶（右）都可以話係功不可沒。有見及此，「黑貓」決定向佢開出新合約，而呢位烏拉圭籍領隊亦都決定留低喺光明球場直至2016年。普耶表示：「經過咁令人難忘嘅1季，我好開心可以同球會續約。」呢位46歲嘅少帥曾經傳出會轉投修咸頓，接替轉投熱刺嘅普捷天奴領軍，但係最後佢都決定留守新特蘭，經過大半季嘅磨合，相信普耶可以喺新球季幫「黑貓」攞到更好嘅成績。
【壹錘定音 . 李慧玲】6月4日正式開咪！
收聽方法：請留意【壹錘定音】facebook專頁！
https://www.facebook.com/hammerout.hk