利物浦今季同曼城鬥到最後一輪，最後以兩分之差，衝擊球隊首個英超冠軍失敗。但喺英超嘅公平競技榜，利物浦就壓過阿仙奴，成為榜首球隊。證明今季利物浦除咗成績好，踢法精采之外，仲踢得相當斯文，一啲都唔茅。值得一提嘅係，利物浦全季只係得1面紅牌，就係佐敦軒達臣（14號）喺贏曼城3:2嗰場攞嘅（圖），但呢面紅牌足以令利物浦錯失冠軍。因為今季有軒仔在陣嘅情況下，球隊得勝率有71%；相反，如果佢缺陣，勝率只有20%。軒仔最後停賽3場，期間球隊失咗5分，係最後錯失冠軍嘅關鍵。
【壹錘定音 . 李慧玲】6月4日正式開咪！
收聽方法：請留意【壹錘定音】facebook專頁！
https://www.facebook.com/hammerout.hk