自稱有型程度同劉青雲不相伯仲嘅上水鄉事委員會主席侯志強，原來心裏一直有個謎。八方聽聞佢曾經問過唔少人，點解佢入唔到北區撲滅罪行委員會？
據聞呢個委員會查實冇乜實質嘢做，但係接觸到唔少同當區罪案有關嘅資料，算係有啲敏感，所以獲委任嘅人都要事先經過背景審查；至於侯志強為乜未獲選？八方唔知，反而好想問，唔通侯志強有妙計幫警方撲滅罪行？
而早輪揼咗成百萬成立研究部嘅鄉議局，佢哋嘅組黨大計似乎都會無疾而終。有鄉議局中人話一來因為新界人自己唔團結、互不信任，二來又被有民建聯身份嘅新界人拖後腿，新界人想再壯大力量都幾難咯。
【壹錘定音 . 李慧玲】6月4日正式開咪!
收聽方法: 請留意【壹錘定音】facebook專頁！
https://www.facebook.com/hammerout.hk