女為悅己者容，呢句說話永遠都啱。必瘦站（1830）主席歐陽江噚日出席旺角旗艦店開幕活動時話，內地經濟放緩對公司生意冇乜影響，事關扮靚同經濟無關，主要同各人嘅取態有關。
網上流傳金句：「人妻最怕撞三件事，撞車、撞鬼、撞小三。」佢指，佢哋嘅中港客戶多數屬於經濟實力較強嘅一群，30歲以上嘅，一半已結婚，扮靚成為佢哋嘅主要職業，要保養得宜先至容易箍實老公，特別係內地，內地女士流行話要防小三。
佢透露，公司最近兩年利用大數據進行研究，發現女人願意花喺面部嘅消費，較身體高出3至5倍，而今年1至3月香港嘅營業額增長23%，亦反映香港女士好願意花錢美容。從初步數據睇，自舊年5月至今，客人消費喺面部嘅金額好可能高出傳統減肥10倍或以上㖭。
【壹錘定音 . 李慧玲】6月4日正式開咪!
收聽方法: 請留意【壹錘定音】facebook專頁！
https://www.facebook.com/hammerout.hk