平機會早前收到投訴，話正義聯盟召集人李偲嫣「反同」，卻因為搵唔到李女士地址而處理唔到。八方日前略盡綿力幫手寫段尋李女士啟事，最初都擔心佢唔like《蘋果》睇唔到，好彩冇白費心機，李女士知道後，噚日去咗平機會同職員「熱烈」傾咗20分鐘，之後同幾位立場一致嘅同志，坐咗百幾蚊的士，由太古平機會殺入將軍澳堆填區旁嘅《蘋果》大樓，話要見老總沙膽虹。八方話盡快代佢問老總，轉頭答覆佢。點知，轉頭佢哋已經消失咗，走人都唔通知聲。
平機會就話主席周一嶽唔會介入個案，所以前日標題〈周一嶽打鑼搵李偲嫣〉唔係咁啱，特此澄清。
【壹錘定音 . 李慧玲】6月4日正式開咪!
收聽方法: 請留意【壹錘定音】facebook專頁！
https://www.facebook.com/hammerout.hk