詹瑞文昨日偕梁洛施（Isabella）於尖沙嘴文化中心為舞台劇《快樂勿語》綵排，眾人試演劇中一段歌舞，戴上眼鏡的Isabella更不顧形象落力狂跳，既使出蟹步舞及唱歌，又與詹Sir上演掟紙大戰，但由於太肉緊的關係，令其臉容扭曲頸筋暴現。事後Isabella表示自己有拍下綵排的點滴，傳給在加拿大的三名囝囝欣賞：「我都有拍低啲綵排片send畀佢哋睇，佢哋見到歌舞嗰part就會好開心。」
虛擬合照送財爺
詹sir表示由於該劇反應熱烈，故宣佈於下月8日加開一場下午場，他笑說：「今次完全係要勞役Isabella，佢發揮得好好，見到佢有搞笑、深情、感動嘅一面，由加拿大返嚟，節奏調番𠵱家適合節奏。」Isabella則笑稱不覺被勞役，反而為加場而感到興奮及開心。父親節將至，問到Isabella可會接三名囝囝回港慶祝？她說：「唔會喇，做完呢個劇會返去。」
詹Sir在綵排前則介紹放會場外的攝影裝置，他說：「觀眾入場前可以試玩，只要拎住個字，就會有個虛擬嘅Isabella同你合照，張相仲可以send畀人，我就send畀財爺曾俊華同議員鍾樹根，因為想佢哋開心啲！」
採訪：譚倩宜
攝影：陳順禎
【壹錘定音 . 李慧玲】6月4日正式開咪！
收聽方法：請留意【壹錘定音】facebook專頁！
https://www.facebook.com/hammerout.hk