香港嘅區議會不時傳有種票，估唔到連英超都有，講緊嘅係今季英超最佳收購獎。呢個由球迷投票選出嘅獎項最後由奧斯爾（圖）奪得，得票率仲高達49%；今季被車路士外借到愛華頓嘅盧卡古就排第2，只係得24%得票率。雖然話奧斯爾今季嘅表現都算唔錯，但係受傷患困擾而踢唔足全季嘅佢，竟然以咁大嘅差距壓過盧卡古、賓捷安、基斯甸艾歷臣幾個全季都有好表現嘅球員，就點都有啲講唔通。不過，呢個獎係由球迷投票得出嘅，所以人多勢眾嘅阿仙奴球迷幫「大眼仔」種票，令愛隊球員有獎攞都無可厚非。
【壹錘定音 . 李慧玲】6月4日正式開咪！
收聽方法：請留意【壹錘定音】facebook專頁！
https://www.facebook.com/hammerout.hk