【本報訊】「又插水」、「食詐糊」，傳神的港式足球旁述，聾人球迷一直都無緣享受，因本港播放的足球賽事從無手語翻譯，但今屆世界盃情況將有改變。一班熱心手語的義工及聾人近日合力把本港常用足球旁述術語，如「腳趾尾拉西」及「插水」等，翻譯成港式手語，並將於兩周後在奧海城直播15場世界盃賽事中，加插手語、唇語並行的旁述翻譯，令聾人從此可以與其他球迷共享世界盃的歡欣。
記者：關震海 彭碧珊
本港聾人快將可享受講波佬傳神旁述！聽障人士組織「龍耳」手語主任黃惠蘭指，兩周後在奧海城直播的世界盃賽事中，有15場首次有手語翻譯，該會派出21位翻譯義工通宵用手「講波」。
然而，黃惠蘭指用手語講波有難度，因九成的港式講波術語沒有手語， 外國的手語也欠奉：「外國只係手語指出個球員『goal goal goal 』，即係將個波帶咗入去，代表入波。」
為讓聾人看得更傳神，「龍耳」邀請了電視台足球評述員施建章，做顧問去翻譯講波手語。施建章選了50多個港式旁述專有名詞，如「濕手巾」、「牛油手」及「插水」等，連日來與聾人手語導師共創新手語，讓聾人分享世界盃樂趣。黃惠蘭希望藉着活動推廣手語，鼓勵媒體效法為新聞或節目加入手語翻譯。
參與創造手語的導師有80後聾人Aaron，他02年世界盃已開始睇波，但球賽無聲，睇波一味靠估，他透過手語翻譯表示：「我明明睇到個波入咗，觀眾好開心，唓，原來球證吹咗雞，入球作廢，我仲一直咁開心。」是越位，抑或犯規在先？Aaron指只能憑感覺去猜，「有時喺鏡頭見到兩個球員好嬲，係咪打交？之後邊隊罰球都唔知」。
八成失聰男士愛足球
57歲手語導師Michael亦是聾人，更曾是業餘球員，但球技再好，睇波時始終與健全者有距離，他以手語表示：「1966年第一次睇電視世界盃，當時英格蘭對西德，鏡頭裏觀眾好熱烈，但我聽唔到，唔知做乜！」但Michael沒氣餒繼續觀賞每屆世界盃，並會事前透過互聯網多做準備。Michael指約八成男性聾人愛足球，但無聲球賽反令他們看得比平常更專心。為助己助人，Aaron及Michael今次與義工們合作創手語，只望讓聾人球迷從此更全面享受睇波樂趣。
【壹錘定音.李慧玲】6月4日早上8點正式開咪！
即like【壹錘定音】facebook專頁！
https://www.facebook.com/hammerout.hk