繼公民後，南區（圖）亦宣佈放棄角逐來季港職聯，加上晨曦，3支有實力的中流砥柱可能齊齊離開。香港絕對不乏身家過億的有錢佬；但願意一季投資幾百萬搞本地波的，已越來越難搵。近幾季港甲就像惡性循環，每到開季，要湊夠10隊有真正競爭力的球隊都很吃力，令即將嘗試改革的港職聯蒙上陰影……造成現今港足艱難局面，到底是誰之過？
是球員的錯嗎？他們踢不出英超水準嘛，咪吸引唔到觀眾囉；但我相信絕大部份球員日曬雨淋練波比賽，辛苦不在話下，最重要是薪金和前景都不明朗，他們仍為足球投入了自己最寶貴的青春，還怎能怪他們呢？
咁，那是球隊老闆的錯嗎？為甚麼他們不給出歐洲聯賽的薪酬，讓球圈蓬勃個個爭住踢波，水平咪自然高囉？但他們明明已在如此低迷的環境，仍每季將其他生意賺來的利潤補貼球隊上，真金白銀付諸流水，又怎能再怪他們呢？
咁數落去，一定係社會嘅錯喇！為何電視直播越來越發達，讓港人睇頂級賽事睇到飽？不像6、70年代的人，愛足球便一定要入場睇本地波？為何要出現卡拉OK、遊戲機、上網……令年輕人娛樂太多，不再將足球放在第1位？然而，社會進步，難道又有錯嗎？
這令我想起「汽車渡輪」，冇人做錯乜，但社會已經不再需要它了，最終被時代淘汰；本地波的命運，真的會像「汽車渡輪」嗎？
方柏翹
now足球評述員
【壹錘定音 . 李慧玲】6月4日早上8點正式開咪！
即like【壹錘定音】facebook專頁！
https://www.facebook.com/hammerout.hk