【壹週刊】住在深灣9號呢對夫婦，全屋不僅用天然材料，同時亦喺新屋種植不少綠色植物，加上露台外嘅海景，整間屋都覺得充滿朝氣。
其實屋主對呢間屋嘅要求，最主要係多啲儲物空間，另外屋主有二個年幼小朋友，所以希望喺屋嘅唔同位置用佢哋一啲成長片段及一啲照片作為間屋點綴。另外因為小朋友原因，屋主希望成間屋用啲自然啲綠色啲嘅材料。
至於主人套房以灰色為主，設計簡潔，反而兩個小朋友嘅房間就充滿色彩。兩歲兒子還細個，睡房用色比較柔和，大女兒則以紅色為主，屋主還為女兒添置一個帳篷俾佢扮露營。玩具方面就以木造為主，屋主以前喺澳洲讀書，好鍾意天然木，而佢亦以木玩具去啟發小朋友創造力。
iPhone App免費下載： http://bit.ly/nextplus_iphone
Android App免費下載： http://bit.ly/nextplus_android