跟旅行團最怕遇到唔熟路嘅導遊。香港註冊導遊協會最近搵咗班資深導遊寫新書《香港景觀文化導遊》，分四章節，「香港千奇百趣」講本土風俗，例如潮州打冷、數字諧音，仲有介紹景點嘅「港島和九龍文化體驗遊」同「新界和離島怡情之旅」，由本土歷史文化、景點典故，講到港人生活狀況，希望導遊刨完書，起碼講到兩嘴，唔使老點遊客！新書主編彭早敏話，自由行遊客都啱用㗎，事關可以跟住本書去吓茶餐廳、坐吓電車，感受地道生活，試深度遊咁話。不過本書暫時只得中文版。新書收益會撥畀協會培訓導遊，改善導遊質素，八方相當支持，希望唔會再有「阿珍」啦！
【壹錘定音 . 李慧玲】6月4日早上8點正式開咪！
即like【壹錘定音】facebook專頁！
https://www.facebook.com/hammerout.hk