立法會噚日朝11至晚11，除咗晏晝食飯時間，鐘聲響不停，因為大會繼續表決預算案過千項修正案。有議員話投票都投到手軟。建制派為免主要由社民連同人力提出嘅修正案，喺佢哋真空下突襲獲通過，個個都乖乖咁坐喺位唔敢走開，仲各出奇謀打發時間。
成日被人影到喺位瞓覺嘅民建聯黃定光，噚日罕有唔搵周公，反而用咗唔少時間將咭片細心分類；同黨嘅葛珮帆則喺議事廳內招搖影相，但又喺fb鬧爆拉布。自由黨張宇人就用手機玩啤牌接龍過日晨。元秋更形容噚日係「㩒機日」，喺fb留言話見到四個拉布怪就討厭：「全世界議會都沒有的事，咱香港獨家擁有」。
【壹錘定音 . 李慧玲】6月4日早上8點正式開咪！
即like【壹錘定音】facebook專頁！
https://www.facebook.com/hammerout.hk