【壹週刊】梁洛施復出頭炮演出舞台劇《快樂勿語》，彩排時Isabella向詹sir舉中指洩憤，Isabella話自己細個都反叛過，會以自己做人辦，教三個囝囝唔好行錯路。
Isabella笑住說：「我自己都反叛過，反叛時又唔會同媽咪溝通，咁倒不如我同小朋友好似朋友咁，咁佢哋大個有咩事都同我講，咁樣會好啲。
「我大仔好鍾意彈鋼琴，我都好驚訝，因為我哋屋企冇人彈琴，但佢對琴有興趣，所以俾佢上鋼琴班，孖仔佢哋鍾意踢波、踩單車，對鋼琴冇乜興趣。」
Isabella強調自己唔係怪獸家長，至於三個囝囝，亦唔知老豆李澤楷同爺爺李嘉誠有幾巴閉。
Isabella認真說：「佢哋冇睇香港新聞，我淨係俾佢哋睇半小時卡通片《1324》，電視都唔可以睇，到佢哋大個慢慢會明白。」
iPhone App免費下載： http://bit.ly/nextplus_iphone
Android App免費下載： http://bit.ly/nextplus_android