人靠衣裝、佛靠金裝,身為立法會兼行政會議成員,新民黨葉劉淑儀嘅打扮絕對經過悉心打造,佢噚日亦着到靚靚現身立法會,同記者分享穿衣心得。越講越起勁嘅葉劉,笑稱自己有位「服裝間助理(Wardrobe Assistant)」,就係佢位菲籍家傭,大讚呢位菲傭姐姐好fit,閒時會練跑,勁到可以跑半馬,身形方面相當有保證,而見過佢呢位姐姐嘅黨友,無不大讚姐姐好索,有晒口碑。葉劉不時有野性裝束,佢話係前一晚經姐姐預選後再俾自己揀,話姐姐品味好好。
葉劉仲自爆,珍藏咗成200對鞋喺鞋櫃;八方好好奇想知,佢嘅鞋櫃係咪貨櫃嚟㗎呢?
【壹錘定音 . 李慧玲】6月4日早上8點正式開咪!
即like【壹錘定音】facebook專頁!
https://www.facebook.com/hammerout.hk