有怪醫之稱嘅立法會醫學界代表梁家騮，日前為細女梁裕湝搞百日宴。怪醫話，個「裕」字係跟佢啲姪，個「湝」字則係太太關天燕揀嘅，湝湝嘅哥哥同姐姐都好錫妹妹㗎，而怪醫就話冇計劃再生住。八方以為佢湊三個細路太辛苦所致，但怪醫就話一啲都唔辛苦喎，因為佢有三個外傭加N個陪月再加一位外母，成隊兵咁滯，怪醫當然好疏乎。要住咁多人，佢間屋應該有番咁上下大嘞啩，但怪醫形容自己嗰間只係「籠屋」喎！而喺去年12月小登科嘅青年民建聯主席周浩鼎，佢太太噚日亦誕下重8磅嘅小B仔。
【壹錘定音 . 李慧玲】6月4日早上8點正式開咪！
即like【壹錘定音】facebook專頁！
https://www.facebook.com/hammerout.hk