【本報訊】中共血腥鎮壓，令香港不少有心人義憤填膺，秘密營救逃亡民運人士，被名為「黃雀行動」。1989年6月下旬至1997年，「黃雀」成功營救逾400人。Tiger親自接收的人也多不勝數；唯一「失手」被捕，拘捕他的便衣警察原來有意放生。
僱用船家要打心理戰
「當時我喺柴灣避風塘，成功接咗周勇軍，佢坐艇仔嚟，準備接完佢上去同朱牧去柴灣新光酒樓飲茶，點知一接完就俾便衣截住，捉咗我哋返去問話。」Tiger笑說，每次接人警覺性也極高，「會周圍睇睇有冇軍裝，點知忘記咗有便衣」。兩人被帶返警署後，周被帶至相關部門核實身份，他則被要求錄口供，「我當時一粒聲都唔出，同朱牧有協定，如果失手被拉，一定要保持緘默，最終我係零口供」。
其後朱牧聯絡政治部，Tiger自簽擔保獲釋，他其後繼續接人，但往後則更多要求船家直接帶相關人士到酒樓交人，又指僱用船家也要打心理戰，「咪以為畀得多錢就得，畀得多佢哋反而奇怪，運嗰個係乜人？亦唔可以心急，成日催，要佢哋快啲亦會令佢哋奇怪。總之令佢哋覺得係普通人蛇就最好」。
Tiger對當年被捕從未放上心，但是這位便衣警員卻對當年的事件念念不忘。Tiger表示，當年曾經為東區前區議員曾健成助選；碰巧那位便衣也是民主派支持者，託曾健成告訴他：「佢話如果當日我講清楚情況，佢會放我走……當年啲差人都好支持佢哋（學運人士），同𠵱家好唔同。」
【六四25周年專頁】燭光不滅，血仍未冷，民主中華，花果漂零。蘋果請你一同見證：良知，從未貶值！ http://64.appledaily.com