英格蘭今屆世盃陣容都幾年輕，為咗令到班小將快啲融入國家隊，隊長謝拉特同朗尼牽頭搞個打機活動，希望同史達寧、勞基梳爾呢啲小將打好關係。史達寧話，打機可以令啲國家隊經驗唔多嘅隊友快啲融入，等佢哋有屋企嘅感覺，「當你首次代表英格蘭踢大賽，總會感覺戰戰競競，但全隊都會幫你盡快適應。我哋一齊打緊世界盃嘅新遊戲，梳爾打得唔錯，我亦開始上手，諗緊遲啲挑戰佢。」