【本報訊】澳門賭場借錢後走數的情況日益嚴重。有賭廳股東決定借助網絡無遠弗屆的力量，開設追債網「美好世界」將債仔的個人資料公諸於世，迫其現身還錢。追債網成立短短9個月，創辦人蔡其仁指已成功追數逾6億元。
作為「美好世界」創辦人、亦是大衛及海王等澳門大賭廳股東的蔡其仁，過去曾遭人拖數逾6,000萬元，因而深明追數的痛苦。蔡其仁表示，「要去追債都要成本，一條數100萬，你去內地追得幾次，要使幾多錢？你唔追仲好，你越追就蝕得越多錢。你告佢又要等幾年，你打佢又犯法嘅，咁有乜辦法？」
公開欠單及相片
蔡其仁與其他行家商量後，決定開設追債網。債主只要提供債仔的欠單及相片等證據，經核實後便會將資料上載至網頁公開，迫債仔現身還錢。他表示，「有唔少人（債仔）都有頭有面，佢唔係冇錢，只係有錢唔還。佢哋知道自己上咗網，仲想繼續出嚟行嘅，就會現身協商還錢。」不過亦有人會「賴死唔還」，蔡其仁表示曾有女子分別欠下多筆賭債，惟不同委託人提交照片，其樣貌均有所不同，最終發現該女子整容避債。
翻查「美好世界」的債仔黑名單，不少名人亦榜上有名，包括上月涉夾帶私逃逾100億元巨款的金麟廳廳主黃山、廈門遠華走私案主犯賴昌星的胞弟賴昌圖、火鍋連鎖店譚魚頭創辦人譚長安及有「中國炫富女」稱號的郭美美。
據蔡其仁透露，「美好世界」自去年8月成立，現今已受委託的追債超過400宗，當中逾40個債仔最終「蒲頭」還錢，涉資約6億元。現時為債主刊登債仔資料屬免費，若債主成功追數將收取1%作手續費，「不過有啲人有畀，有啲人冇畀，（至今）都係收過百幾萬。」
追債網成功發揮效用，不過蔡其仁亦因此惹上官非。早前他就曾被澳門司警拘捕，被控以未履行資料保護義務罪。