聽得多「厚多士」呢啲咁霸氣嘅惡言，都要聽番多啲天真純潔聲音平衡吓。最近好多人狂聽名為《問誰未發聲》嘅歌曲，一位妹妹非常天真爛漫咁唱出：「試問誰還未發聲，都捨我其誰衞我城，天生有權還有心可作主誰要認命噤聲……」呼籲沉默嘅一群企出嚟投票。
個melody係咪好熟呢？查實原曲就係《Do You Hear the People Sing》、即係改編成廣東話版嘅《人民之歌》，呢首歌近年幾乎已成7.1遊行主題曲。八方相信，隨住6.22投票越嚟越近，呢首《問誰未發聲》都好有潛力成為佔中主題曲，佔中義工隊要員陳淑莊都話like爆呢首歌，覺得個妹妹勁可愛。