老將當路雲（圖）啱啱俾奇連士文踢出美國國家隊世盃終選大軍名單，心裏肯定不是味兒。不過既然冇得連續出戰4屆世盃決賽周，惟有叠埋心水喺球會踢好波。當路雲喺周日美職聯果然發威，梅開二度下幫洛杉磯銀河主場4:1大勝費城聯。再入兩球之後當路雲喺美職聯常規賽已經累積到136球，超越咗謝夫根寧咸美職聯歷來入球最多嘅紀錄，以表現嚟證明奇哥唔選佢係錯嘅決定。