【壹週刊】幾個月前只有半邊面嘅「野良犬」阿良，覓得新屋企新主人。不過，流浪慣嘅阿良對新家冇歸屬感，二次離家出走。不過喺主人愛明悉心照料下，如今嘅阿良已漸漸適應新屋企，而且仲肥咗大隻咗添！非常幸福。
愛明話：「以前我哋最擔心佢唔定性，因為佢返嚟走過二次，所以我哋為咗阿良買好多啷啷，屋企可能有啲狗唔駛掛，其餘啲狗可能掛一個，阿良就要掛孖啷。因為我哋覺得如果佢再走，都聽到佢嘅聲喺邊，但帶咗孖啷啷後就冇走過。」
愛明仲話阿良嘅怕醜個性都有明顯變化，「阿良開始有鍾意屋企嘅感覺，但係又鍾意出門搗蛋，自從露台加高咗之後，冇得出去玩嘅佢，就開始係屋企搗亂。好似會係露台嘅菜園上疴屎疴尿，搞到愛明唔知好嬲定好笑，最搞笑係話佢一次後，佢依然繼續去幫菜園施肥…..」
阿良有鍚佢主人外，其實仲有好多狗同伴陪住，跟這班狗狗相處都發生唔少趣事，聽日再話你知！
iPhone App免費下載：
http://bit.ly/nextplus_iphone
Android App免費下載：
http://bit.ly/nextplus_android