夏天，為大地帶嚟美腿！之前落足幾個星期雨，真係悶到人都癲，好彩呢兩日陽光返嚟同大家玩遊戲喇。
咁陽光普照嘅日子，圈中女星好似隋棠﹑郭書瑤﹑傅穎及「蟹媽」呂慧儀等，就係時候騷下Quali。台灣靚女隋棠就大騷長腿，仲話要「徵婚」添呀！
至於「蟹媽」呂慧儀，繼前日著比堅尼晒完膊頭，噚日再晒另一樣嘢喇──晒幸福呀﹗佢話自己有兩個男人寵佢，一個係老公﹑一個係老竇，呂慧儀話：「兩位一直以來在我生命中非常非常照顧我的男人，一個出埠工作，另一個就回來接力陪伴我。蟹先生，可能是減輕爸爸的重擔了，我爸才那麼疼你。我現在被寵壞變得越來越野蠻了，我爸會受不了，請你還是快點完成工作回來吧！」
仲要貼咗一張佢同黃文迪同佢爸爸嘅合照，佢仲笑到成個幸福小女孩咁，真係令人羨慕。