劉嘉玲、梁家輝及謝君豪昨日在尖沙嘴出席舞台劇《杜老誌》記者會，三人是繼14年前的舞台劇《煙雨紅船》後，再度攜手合作。嘉玲踢爆《杜》劇原計劃找梁朝偉演出，由他們三位影帝合作：「本來係三位影帝，但佢（偉仔）好多顧忌，係乜顧忌要佢自己先知，佢覺得未成熟，我做足思想工作說服佢接，我都希望佢哋三個做，會好好睇。」
自稱倒貼酬勞
嘉玲坦言近年一直等待一個演出舞台劇的機會，剛巧偉仔拒絕了，有關方面便邀她演出，梁家輝笑指嘉玲是代夫從軍。對於將來會否夫妻檔演出，嘉玲說：「以前唔得，現階段可以。」她指今次演出有多少壓力，但這就是她想要的壓力。
談到《杜》劇皆是大牌演員，酬勞可觀，嘉玲說：「冇得貴，我要倒貼，呢段時間完全唔可以接其他嘢嚟做，只係為興趣。」梁家輝笑說：「錢對我嚟講唔係乜嘢，嘉玲使嚟使去都係面嗰浸。」劇中飾演股壇狂人的謝君豪則說：「我從未做過咁瘋狂角色。」
張叔平做美指
於7月17日假灣仔演藝學院公演的《杜老誌》，以70年代杜老誌舞廳為故事背景，製作班底包括導演毛俊輝、美指張叔平，首場收益將撥捐保良局。
採訪：張俊銘
攝影：陳慧安