能夠吸引李嘉誠「落廚」嘅人造蛋商Hampton Creek創辦人Josh Tetrick透露，旗下人造蛋產品將於本周開始在港百佳有售，蛋黃醬Just Mayo率先上架，之後逐步賣生麵團Eat The Dough、蛋漿Scramble Egg。不過Josh話，只會畀百佳獨家代理三個月，當報答維港投資知遇之恩，之後就會開放畀全港超市。
今次仲有其他初創企業創辦人參與，包括慳電燈膽商nanoleaf創辦人閆思成與朱嘉鈞。其他公司嘅技術有癌症診斷、可分解食品包裝、社交大數據等等。
好似主打廢水生物處理嘅以色列公司NanoSpun，最近仲吸引到太古集團注資，估計最快2016年正式運作。