自爆100之「冇有線電視台」終於開台喇！
快過「魔童」王維基投到頻譜嘅林敏驄，由今日開始，每逢星期一、二都會喺佢啱啱投得、制式「黎克特製BBC BBQ HDMI H5N9」行納米負離子嘅「冇有線電視台」主持節目，台長兼主持兼場務兼燈光兼剪接嘅林敏驄，開台前仲接受咗自己個台訪問，說到花了30幾益……支益力多投頻譜同興建接近一公頃大嘅廠房，林台長講支益力多時更一度感觸哽咽，話知道之後嘅路，會又長又難行，行行吓仲會唔對路，甚至唔係路，但堅信只要有創意，可以畀到香港人多一個選擇。
想知道林敏驄新台有乜好節目，記得留意蘋果娛樂即時新聞同動新聞喇！