【現場直擊】
荃灣環宇海灣昨日首個周末引爆睇樓潮。記者現場直擊尖沙嘴港景峯商場的售樓處，市民大排長龍，由3樓排到落地下，單是地下人龍長逾100米。
排隊睇樓要約兩小時
下午約四時，地下龍尾一度排到出去商場廣東道出口。代理指最多人的時候，排隊睇樓要約兩小時，有市民發現「人龍」太長而放棄睇樓。而港鐵佐敦站至港景峯商場，沿途都有地產經紀拉客。
荔枝角美孚新邨業主楊先生昨天也趁熱鬧睇示範單位。記者問他覺得價錢如何，「我覺得貴囉」，「兩房都要四百幾萬，點樣上車呀，普通人點上到車啫，四百幾萬起步，（但今日很墟冚，排晒長龍喎），咁香港好多有錢人，窮又咁多，有錢又咁多囉。」他又指，發展商提供很多優惠，但「話就話咁，最緊要係睇實際價錢」，扣晒優惠都不平。
與家人於元朗共住的趙太，昨日先到環宇海灣現場實地視察後，便前往參觀示範單位，考慮入票。對於樓盤被指對住臭海，她稱現場「唔覺有味」，雖然低層戶對正天橋，但她認為「唔怕嘈最緊要平」。