八両金（原名葉競生）日前自爆走佬前妻八両菜（何顓彤 ）3年前現身認仔，一家三口團聚，更拍下全家福。家家有本難念的經，八両菜前日突然以三宗罪數臭八両金，力斥前夫當年愛媾女兼不給家用，令她死心離家出走。八両菜大前年團聚都只為囝囝「八両仔」葉小霆，夫妻關係根本非八両金所言的融洽，生於愛生事家庭的八両仔前晚主動致電記者篤爆父母面和心不和。
對於八両菜作出大反擊，八両金迴避，現年19歲的八両仔卻說：「阿爸阿媽關係有好有唔好，佢哋離咗婚，拗撬好正常。」八両仔力撐老父：「我知阿爸冇去滾，一個30、40歲男人去媾女都冇乜問題，我都鼓勵阿爸出去搵過個老伴過埋下半世。」八両仔不滿八両菜爆料：「佢想博好感先嚟話我老竇，佢好偏激。」
採訪：楊定
