蛋黃入主公仔箱做話事人後，高佬一向好支持呢位老細，但最近佢哋開始有啲疏遠咗，聽講高佬對蛋黃嘅新政唔多滿意，佢重用嘅群姐隻手遮天，任人唯親，搞到公司怨氣沖天，總之埋佢堆先至有運行，有唔少哥仔、姐仔同高佬訴苦，話喺蛋黃嘅新政下，佢哋𠵱家冇啖好食，基本上已經冇乜外邊廣告同商演搵佢哋做，所以累佢哋搵少好多外快。
谷氣等執笠
高佬都知道蛋黃同群姐繼續咁搞落去，真係會累死班藝員，真係有出頭幫佢哋講說話，但蛋黃同群姐好強權，根本唔會理下面啲人慘唔慘，高佬覺得連佢出聲都當耳邊風，真係谷鬼氣，所以對公仔箱啲嘢一於闊佬懶理，話之佢哋搞到電視台執笠。
撰文：關仁