【本報訊】立法會主席曾鈺成前日主持審議財政預算案期間，竟認不出商務及經濟發展局副局長梁敬國，曾昨回應事件時笑言屬「一時大意」，又承認自梁上任後，一直未有機會向他「請教」，所以不認得他，為此向梁致歉。對於昨日有建制派議員提出，向違反議事規則的議員作出停職或扣薪懲處，曾鈺成認為未必有效。
曾鈺成昨出席一個公開活動後，被問到前日認不出梁敬國一事，笑言當時確是自己太大意，看錯了上周五出席會議官員名單，名單所列的都是環境局官員，「我見到係環境局咁我又望吓，呢個唔似環境局局長，我又知道環境局副局長係一位女士，咁亦唔係喎，於是即刻諗會唔會係環境局其他成員呢？結果我夾唔到」，又指梁上任副局長後，未有機會向梁請教，只能從報章和政府公文上見到梁的名字，所以不太熟識。
表明懲罰機制未必有效
而對於部份建制派議員倡議，對違反議事規則的議員引入懲罰機制，曾鈺成表明不能肯定立會是否有權這樣做，而且亦未必有效，「我都唔認為呢個所謂懲罰，真係可以遏止到呢啲行為」，曾解釋，若議員覺得其支持者認同採取較激烈的行為，他們就會繼續做，只有社會完全不認同、不接受某些行為，議員才不會做，所以他相信社會輿論對制止某些違規行為更重要。
而工聯會議員王國興昨出席電台節目，繼續支持引入懲罰機制，引用外國議會做法，「嗰個議會要佢（違規議員）道歉，要罰佢停職又或者甚至係扣薪」，否則「個局面就係佢（違規議員）做完個騷、離咗場，其實佢已經賺咗」，不過另一建制派議員林大輝則認為，雖然社會未必認同激進行為，但港府也應放下身段多與議員接觸。