1，最近身的公投已是2010年，五區總辭+五區公投，當年有58萬人投票，投票率17.1%，都叫做偏低。事隔四年，公民提名的公投，有商有量的政府唔做兼打壓，民間一手一腳自編自導，只等市民埋位，演活自己的角色。
2，是誰令青山也變？唔使竊聽，公民提名，喊到最大聲，都係得把聲。所以，請劉青雲、方中信、林嘉華、古天樂和曾江的代言人，六月廿二，顛覆「土豪」。投票，不是投地，唔搵丁，唔犯法的。
3，港甲球隊公民此其時散班，有必然的政治聯想。而香港民主政改這隊波，踢單箭頭，實輸甩肺。622公投公民提名，市民做自己的班主，每人一票，每票都咁硬淨，都咁打得。這種陣容，點輸得！唔使飛去聖保羅了，622公投，香港仔，我主場！
4，你討厭政治，你離地兼潔癖，這樣，622投票，保證你唔會碰到狼英，唔怕撞到隨口講，唔會俾三個字冤住，更加唔怕蘇包便踩場。投票，會比李嘉誠更心曠神怡！