近期不少息影女星突然蒲頭，令娛樂圈掀起了一陣懷舊熱！曾經在87年處境喜劇《城市故事》中，飾演蚊豬的吳茜薇，92年下嫁前女藝人莊文清的前夫招振強後便息影，事隔20多年，吳茜薇日前應好友梁思浩的邀請，與昔日亞視花旦蔡曉儀齊齊接受now TV的《娛樂審死官》訪問，久違了的吳茜薇顯然發福了不少。
兩女支持
已有兩個囡囡的吳茜薇，在節目上首次承認與招振強離婚，聽見梁思浩用「前夫」來形容招振強，並直接詢問是否已離婚時，吳茜薇坦言：「我同佢辦緊離婚手續，我冇後悔嫁招振強而離開娛樂圈，我好享受人生唔同階段嘅生活。」同時她亦宣佈復出，並說：「我大女今年19歲，細女14歲，我有問過佢哋嘅意見，大家都好支持我，不過我冇諗過減肥，我覺得𠵱家興棉花糖型嘅女藝人。」
至於角色方面，她稱不介意做媽媽，甚至轉型做任何角色。同樣決定復出的蔡曉儀說：「希望觀眾會俾機會，仲希望大家睇得出我嘅熱誠。」
撰文：張曦彤
