SONY XPERIA Z2係呢期好多人出機對像！以2,000萬像素鏡頭，配4K拍片，成為好多人想換機嘅理由，不過買機時大家都會遇到一個兩難局面，就係香港行貨（$5,998）會送「磁力充電底座DK36（$298）」；至於早成個月前出嘅台版水貨（$4,980），機價會平啲之餘，仲會加送「數碼降噪音耳機MDR-C31EM（$368）」。
不過依家困難嘅選擇題，會進一步加深難度，因為日版水貨都喺今個星期尾到咗貨！當中最大差異係記憶體，三個版本都係行現時最高的3GB RAM，不過ROM的容量就有啲差異，港、台版只有16GB，但日版竟然係加大碼的32GB，當然！一樣會有配件送啦！係叉電極有型嘅「磁力充電底座DK36」，不過價錢開價$5,580，真係咸魚青菜，想要邊樣配搭，真係自己用間尺度過先決定喇！
三禾電氣（旺角亞皆老街83號先達廣場1樓F33）