【終身難忘】
「見到個頭骨，係熟嘅，冇肉，相信係煲過煮過……」轟動一時的Hello Kitty藏人頭案至今事隔15年，當年負責調查的油尖警區重案組高級督察鄭惠明（圖），講述當年劏開公仔頭一剎那，形容好恐怖，簡直匪夷所思，他形容是警察生涯以來遇到最殘酷的案件，令他終身難忘。
無辦法尋回殘肢
現已退休的鄭sir嘆謂：「一個文明嘅社會，我哋冇諗過有人會用呢啲方式虐待其他人！」鄭sir憶述踏入凶屋一刻，凌亂、骯髒，劏開案中Hello Kitty公仔頭的剎那，便知一切並非夢境：「見到個頭骨，係熟嘅，冇肉，相信係煲過煮過……另外無下顎嘅，上顎有牙齒，有啲零碎嘅牙齒喺公仔裏面，亦有毛髮、頭髮。」
鄭sir相信，吸毒、黑幫及家庭背景，導致兇手殘酷成性：「佢哋喺浴缸到分屍放血，之後將殘肢丟去垃圾站，我哋冇辦法搵得番啲殘肢……喺簷篷搵到一袋相信係內臟，我哋都有攞去化驗，但煮熟過根本上要驗DNA有少少困難。」
處理證物同樣令鄭sir大為頭痛：「我哋處理嗰啲證物係好慘，成間差館臭咗成個月，啲味好濃烈，證物又唔可以濕，要曬乾，影響到好多部門嘅同事，佢哋聞唔慣啲咁嘅臭味……係好難聞！」鄭sir回想偵辦此案經過時若有所思：「無論死者做乜都好，始終都係俾人虐殺咗，都覺得幫到佢沉冤得雪。」
《蘋果》記者