很少生意人願意談六四，像時裝集團Bauhaus（包浩斯）老闆、前老師黃銳林般侃侃而談更是異數。「其實當年啲學生要求咩箒？佢哋要求嘅，係江澤民、胡錦濤同今日習近平都會講嘅反貪污、反官倒之嘛……」中共最終卻出動坦克車，令富正義感的年輕人一個個倒下，黃銳林引用民政事務局局長曾德成之言，慨嘆這班學生：「何罪之有呢？」
畢業於柏立基教育學院（教院前身）的黃銳林，開創時裝王國前教了近十年書。90年暑假創辦包浩斯前的最後一堂課，特別以六四為題講佛經，向小一學生大談生命的價值，「我帶咗好多私人感情教嗰一堂」。「我記得自己有講點可以咁賤視生命？政府點可以咁去殺人？見到同學仔聽得好入迷，個個眼仔睩睩，現場好靜，好少咁專心聽書……嗰一刻好深刻，覺得佢哋好似係明咁㗎喎。」
他的89年春夏之交，情緒起伏不定。「胡耀邦死後至5月，啲人一直聚集、又有好多人支持，成個月喎，好似中共都樂意同學生傾咁，覺得中共唔通真係變緊？」及至6月初開始戒嚴派兵，他始覺形勢有變。坦克車出動鎮壓，同時令中學時代天天看《大公報》、自言「如果當年（67年）大多十年、相信有份去掟炸彈、派傳單（反英抗暴）」的「左仔」黃銳林「夢碎」，首度上街抗議暴力鎮壓。
「其實啲學生當日要求政府做嘅嘢，根本每屆政府都會做，何罪之有呢？」他強調這只是「人民好簡單嘅呼聲」，「點解每一屆政府都可以話要清廉，但唔畀學生講？」
是非價值近年被扭曲
黃銳林一直認為，「（六四事件的）價值判斷已經出咗嚟」，荒謬是近年的是非價值全被扭曲。他指當年全港左中右都指共產黨做得不對，近年卻有越來越多聲音力撐「好彩有鎮壓，如果唔係換唔到中國廿年經濟繁榮」，「我每次聽到都好反感。點解唔係話當年如果跟學生搞改革，今日中國會更加繁榮同廉潔呢？究竟（講者）真係純粹無知，抑或出於經濟利益或仕途上嘅計算呢？」
黃說過他日退休，或考慮重執教鞭，願意再在這片土地播種。但其實六四後，當時「仔細老婆嫩」的他曾想過離開。「當時真係覺得香港好危險，直情覺得生命受威脅，諗住移民」。最終居留權獲批，他卻因事業有不俗發展而留守，見證六四25年來人心轉變。
【六四25周年專頁】燭光不滅，血仍未冷，民主中華，花果漂零。蘋果請你一同見證：良知，從未貶值！ http://64.appledaily.com