【本報訊】海怡半島商場早前傳出將改裝成專門接待自由行名店特賣場，小商戶陸續被趕走。海怡居民組織昨在商場門口發起無限期靜坐行動，又將示威標語貼到名店PRADA門外，要求大業主盡快與居民對話。有居民更揚言，如業主堅持引入名店，將集結居民「日日咁圍佢，等佢（名店）知道冇咩好生意做」。
海怡關注組早前發起千人遊行，反對海怡西商場變成特賣場，惟商場的台灣大業主及管理公司至今仍拒絕與居民代表會面。關注組昨日將行動升級，在商場外空地發起無限期接力靜坐，暫有8至10人參與；今、明兩日也會發起行動，估計參與人數會越來越多，直至大業主直接與居民對話。
約20個居民昨在公民黨立法會議員陳家洛及人民力量袁彌明陪同下，到商場名店PRADA外「踩場」，又將示威標語貼在店門，砌成大交叉，寓意「封舖」。在海怡居住多年的前立法會議員鄭家富表示，引入特賣場後，海怡會變得如「廣東道一樣烏煙瘴氣」。
小店一律「冇得留低」
居民詹女士稱，自PRADA進駐海怡東商場後，每日也有大批拖篋的自由行前來購物，「佢哋坐巴士唔排隊㗎，你提佢，佢仲會鬧番你」。袁彌明則透露，得知現時PRADA的舖位將會改建成戲院，PRADA會搬至海怡西商場，運動品牌ADIDAS也會陸續搬入。至於現存商場內商戶除百佳、豐澤、屈臣氏、藥房及診所外，其他小店一律「冇得留低」。有診所租戶指，新舖面積較舊舖細一半，租金卻貴兩成。
在海怡商場開業15年的水電店東主陳先生指，早前接獲管理公司第一太平戴維斯通知不獲續約，又要求他根據一系列條款將舖位還原，包括清洗冷氣及購買高額保險等，否則會扣押按金。他估計整個還原工程要多花一萬多元，怒指「佢哋真係吸血鬼嚟㗎」。
開業21年的糖果店店主陳伯伯指，本年四月剛續租，早前卻收到終止租約通知，8月要結業搬走，坦言不捨一眾街坊。第一太平戴維斯至截稿前未回覆。