SHARP新一季度旗艦機－－AQUOS ZETA SH-04F，日本水貨將會喺今日到貨（5月24日）！佢個5.4吋IGZO芒（1,920 X 1,080），你一啲都唔會覺得佢大，因為佢使用咗最新三邊超窄邊框設計，芒位佔咗整個機面81%，所以望落部機會特別細部；硬件配置都叫幾強，行2.3GHz四核心處理器，配2GB RAM+32GB ROM，一般玩手遊或上網足應付有餘，起初感覺好奇怪，點解相機鏡頭只有1,300萬像素，須知現時日本頂級手機現多玩1,600萬像素，原來佢加入咗F1.9大光圈鏡頭，及Night Catch II/HDR等夜攝功能，再加上「上下」或「左右」的360度「全天球撮影」玩味功能，其實影相方面都幾強吓！預計先達水貨價會在五千至六千元之間。
三禾電氣（旺角亞皆老街83號先達廣場1樓F33）