利豐（494）即將分拆品牌業務利標上市，將任利標行政總裁嘅樂裕民（Bruce Rockowitz）講解新公司。早排有報道指，利豐將會同球星碧咸合作，幫佢推出休閒運動服裝，以呢個業務性質來講，明顯屬於利標範疇。Bruce噚日自爆，指公司即將公佈跟一位名人推出時裝，唔通就係碧咸？點知樂裕民只笑笑口答：「我跟David（碧咸）是朋友。」咁即係堅啦？「我又未有嘢可以公佈。」
Bruce話同碧咸係朋友其實都有根據。事關早排Bruce嘅嬌妻、歌手李玟（CoCo）參與音樂頒獎禮，頒獎嘉賓就係碧咸！
另外，Bruce原來識廣東話，噚日一坐低就用廣東話問傳媒「飲啲乜？」。佢講笑話，因太太平日講廣東話，所以佢都要識聽，方便偷聽老婆講電話喎，佢又謙稱自己嘅廣東話只係「有限公司」㗎咋。