中環在線：林寶珍藏館開幕　閃光燈不停 - 李華華

中環在線：
林寶珍藏館開幕　閃光燈不停 - 李華華

金朝陽（878）旗下銅鑼灣金朝陽中心二期地下噚日傍晚開始擺滿林寶堅尼，事關短租至9月底嘅林寶堅尼珍藏館開幕，場內有三架經典型號嘅林寶堅尼做展覽品，門外就擺放六架唔同顏色嘅林寶堅尼為酒會助興，輕易吸引途人注意同埋舉手機影相。
東亞（023）太子爺李民橋（Adrian）噚晚8點到場參與開幕酒會，見佢同金朝陽太子爺陳慶達即刻「把酒談心」，應該幾老友。Adrian話係食完晚飯順道到場參觀，湊熱閙，自己冇買林寶堅尼，展館場內3架經典林寶，佢就最鍾意黃色嗰部，貪佢顏色鮮艷。

攝影：黃偉傑

李民橋太太Bonnie一襲淺藍色裙，襯埋同色名貴手袋，貴氣十足。

林寶堅尼珍藏館門外放滿林寶，其中排頭位嘅車牌相當搞鬼，諧音「搞三搞四」。