【亂噏24】有鬼才導演之稱的彭浩翔，向來多古靈精怪鬼主意，新作《香港仔》雖大賣溫情，有時也會加插戲份來滿足他的「惡趣味」，就如梁詠琪（GiGi）在不知情下，突然要拍一幕出浴戲份，幸好她也沒有怨言，GiGi還打趣笑彭導是看到家中的浴缸，忽發奇想加戲！讀者可在 http://bit.ly/appletalk24重溫今集《亂噏24》。
撰文：馮國康、Sidekick
彭浩翔新作《香港仔》顧名思義，本土意識味濃，黎智英（肥佬黎）問他可有擔心電影的本土定位，會影響內地市場？彭導說：「雖然個古仔發生喺香港，但其實佢講家庭關係，度度都一樣。」他認為每齣電影都應該要有本土色彩：「譬如你拍廣州，你要有廣州色彩，拍上海你要有上海色彩，唔應該驚人哋唔明，而抹走晒所有上海色彩。」
Animation質感有別
《香港仔》很多事物，其實都是彭導的兒時回憶，如他笠上變色龍裝束扮怪獸，就是一份情意結：「我細個睇哥斯拉電影大嘅，所以我好想着嗰件怪獸衫，然後打爛啲大廈！」肥佬黎乘機硬銷animation：「你用animation，十分一價錢都唔使喎！」彭導反駁：「唔同嘅，我覺得個質感係有分別。」GiGi幫口：「你（肥佬黎）唔好咁講啦，畀咗錢嗰啲老闆好心痛㗎！」然後打圓場：「想睇真嘢睇《香港仔》，想睇animation睇《動新聞》。」
當然還有麥當勞蘋果批樹、鯨魚擱淺和掘出二戰炸彈，都是彭導的兒時經歷，他說：「你寫一套戲咁辛苦，梗係用多啲自己經歷啦。」他記得年幼時經常聽到鯨魚擱淺的消息，便嚷着要父母帶他去觀賞，但每次都被拒絕：「佢哋（父母）成日話畀我聽好遠㗎，去唔到，後來大啲先知道香港好鬼細，點會去唔到啫！」彭導又很好奇為何香港這麼小，怎會七十多年後依然掘到二戰炸彈，於是便將這些不可思議的事寫進劇本裏。
另外，《香港仔》裏每位家庭成員都有一個心結，直至解開才得以釋懷。現實裏，GiGi也埋藏一個多年心結。當年父母離異，因為年紀太小，從來沒問過一句，跟母親住的她多年沒有聯絡過爸爸：「跟住我喺度諗，我一路都冇接觸到爸爸，佢會唔會以為我嬲咗佢？但我又好想話畀佢知其實我冇嬲佢。」
蔡潔半裸父批准
後來GiGi從一本書，內容講述一個人跟父母的相處，可能會影響到他跟伴侶的相處，當下意識到她跟爸爸十多年沒聯絡，即主動聯絡他：「最開始由facebook認識，跟住約出嚟食飯，慢慢建立番個關係。其實𠵱家都唔係好熟，但起碼佢知我都唔係嬲佢嘅。」
蔡潔也不喜歡收藏自己，遇到甚麼事都會跟家人分享，至於她在戲中半裸肉搏曾志偉，事前可有徵詢父母同意？她稱去年4月導演找她演出時，便第一時間告知父母，並以李安找湯唯拍《色，戒》作比喻，她說：「我媽咪就好緊張問東問西，我爹哋反而話如果你決定要做，就唔好計較咁多。」蔡潔愛上電影，都是自小受父親薰陶：「屋企啲收藏不亞於導演。」彭導笑說：「但你有冇解釋畀你老竇聽，呢套戲同《色，戒》最大分別，係今次男主角更靚仔（曾志偉）！」
彭導身兼導演、編劇和監製數職，肥佬黎問他會否在創作時太過主觀，變相難以用旁觀者的清醒去看待電影？彭導稱很少遇上這情況，因為很多時候他會聯同另一編劇一起創作，那位拍檔的作用便是「踢橋」，而彭導通過說服他的過程，重新組織故事的邏輯。陳淑莊（Tanya）問他可有嘗試執導別人的劇本？彭導說：「好似未試過。嗰陣時有啲外國劇本，我唔抗拒嘅，但每次睇嗰陣，好似唔係好投入到，硬係有啲距離。」
香港電影從來不做casting，主要是導演主動找演員演出，彭導解釋：「坦白講，外國人就好開放，接受到casting，但係華語片，譬如我叫你試吓拍段畀導演睇吓吖，大家就會抗拒。」肥佬黎作狀打電話給劉德華：「喂，劉華嚟casting！喂，有個角色啱你喎！」
臨時加GiGi出浴
彭導認為最理想當然是每位大明星都來做casting，但現實歸現實，他笑說：「嗱黎生，就算我再黐線，都唔夠膽咁黐線㗎。」由於沒有casting，演員很多時候到臨場才知要拍些甚麼，就以GiGi為例，彭導當初只簡單講述她要裝一個大胸，並需要凸點，但一開始沒告知她要拍出浴戲份，她說：「我要好似冇着衫咁，我都係嗰幾日之前先知，我懷疑佢見間屋有個浴缸先至加嗰場戲！」
彭導即興加戲並非首次，當日拍《低俗喜劇》一場首映禮戲份，飾演暴龍哥的鄭中基忽然心血來潮，想到要在首映禮上胸襲邵音音，便叫彭導跟音音姐說一聲，彭導說：「我諗咗好耐，要用乜嘢方法說服佢（音音姐）呢，最後都係最直接咁講，點知佢話：『嚟啦，唏！』」
個女唔似自己點算好？家庭鬱結要處理好
http://bit.ly/talk244601
粗口唔止激勵士氣 一聽就知邊度嚟
http://bit.ly/talk244602
GIGI懷念麥當當 見到棵樹發青光！
http://bit.ly/talk244603
香港收埋好多炸彈？ 等人慢慢嚟拆彈
http://bit.ly/talk244604
單親GiGi有陰影 同爸爸冇乜偈傾
http://bit.ly/talk244605
打開心結開心啲 GiGi重過新生活
http://bit.ly/talk244606
Mark哥原來教壞人 要撇甩損友最頭痕
http://bit.ly/talk244607
瞓晒身拍床上戲 蔡潔爸爸開綠燈
http://bit.ly/talk244608
志偉哥非常好戲 唔止喜劇咁簡單！
http://bit.ly/talk244609
度劇本唔怕嘈餐死 鍾意人地BAN自己
http://bit.ly/talk244610
3D電影有原因 戲飛價格貴廿蚊
http://bit.ly/talk244611
睇戲冇戲味 彭浩翔踩荷里活戲
http://bit.ly/talk244612
香港電影冇試鏡 明星架子大過頭？
http://bit.ly/talk244613
彭浩翔呃梁詠琪飛釘 GiGi出浴博一博
http://bit.ly/talk244614
鄭中基兇襲音音姐 原來係彭浩翔搞鬼
http://bit.ly/talk244615