「1600熊貓遊香港˙創意×保育」巡迴展,終於定咗日子喇!呢1,600隻熊貓會喺6月9日(星期一)抵達香港國際機場,到時會齊齊企定定俾香港傳媒影番張靚相,1600熊貓之父法國藝術家Paulo Grangeon仲會陪班「仔仔女女」做訪問㖭。
熊貓之後會遊香港,去天壇大佛、馬灣、尖沙嘴鐘樓、維多利亞公園,最後會去到中環PMQ元創方展出。想近距離接觸佢哋,𠵱家有機會,因為主辦單位搵緊義工,會有少少車馬費,18歲以上嘅人如果有興趣可以電郵去mailto:[email protected]聯絡。1,600熊貓遲啲仲會有領養計劃,詳情之後公佈。