F1摩納哥站今個周末開戰，班車手周二同體育界明星聯隊踢咗場慈善足球賽，為弱勢兒童籌款。F1隊由法拉利車手艾朗素帶領，對手明星隊星光熠熠，有塞爾維亞網球手迪祖高域（圖），仲有足球名宿真路拿同龍格保等。場波由迪祖為明星隊先開紀錄，最終贏3:2。至於當日慘遭法甲球會摩納哥炒魷嘅雲尼亞里都冇食言，照樣返摩軍主場做明星隊領隊。